[ Новые сообщения · Участники · Правила форума · Поиск · RSS ]
Страница 1 из 11
Qiziqarli chat, Suxbatxona, mexmonxona Ziyo-Music.Com » ERKIN MAVZULAR VA FIKRLAR » Ibratli hikoyalar / Sherlar olami / Qiziqarli voqealar » Ibratli va hayotiy qiziqarli hikoyalar bo'limi
Ibratli va hayotiy qiziqarli hikoyalar bo'limi
DimaДата: Juma, 10.06.2016, 13:58 | Сообщение # 1
General
Группа: SUPER ADMIN
Сообщений: 28
Репутация: 2
Статус:
Ushbu temada xamma o'zi bilgan va o'ziga yoqadigan eng qiziqarli hikoyalarni yozsin 
Eslatib o'tamiz bu temada faqat hikoyalar yoziladi ortiqcha gaplar yozilmasin  birinchi hikoyani o'zim boshlab beraman


KAMPIRNING GAPIGA KIRGAN CHOL HIKOYASI
   Rivoyat qilishlaricha bir chol bozordan qo‘zichoq sotib olibdi. Keyin shu qo‘zi katta bo‘lsa qurbonlikka so‘yaman deb niyat qilibdi. buni qarangki qo‘zi shunchalik tez rivojlanibdiki, Qurbon oyi kelguncha kattagina, ko‘rgan odamning suqi kiradigan qo‘chqor bo‘lib yetilibdi. Buni ko‘rib kampir choliga aytibdi:
-   Buning o‘rniga bozordan boshqa qo‘y olib so‘yaylik.
-   Yo‘q, men shuni niyat qilganman, – depti chol.
-   Qo‘y bo‘lsa bo‘ldi-da, baribir so‘yamizu, – depti kampir va javray-javray oxiri cholni ko‘ndiribdi.
Ana endi chol bozorga bordi. O‘rtacha kattalikdagi qo‘yni tanlab ancha savdolashdi. Oxiri bahosini kelishgandan so‘ng pulni sanab bermoqchi bo‘lib cho‘ntagiga qarsa – pul yo‘q! O‘g‘rilar “shilib” ketishipti. Jahli chiqqan chol o‘ziga o‘zi: “Shu miyasi aynigan kampirning gapiga kirib adashibman. Hoziroq to‘g‘ri uyga borib kampir bilan maslahatlashib o‘tirmay o‘sha qo‘chqorni so‘yaman!” deb uyga ravona bo‘ldi.
Kelib shoshilib qo‘yxonaga kirib qarasa, Ne ko'z bilan ko'rsinki Qo‘chqor harom o‘lib yotgan ekan.

Qo‘shimcha. O‘tgan yili ramazonda bir mahalladoshim iftorlik qilishni niyat qilgan, biroq bir odamga achchiq qilib iftorlikni bermadi. Men unga yuqoridagi hikoyani aytsam, o‘zi iqror bo‘ldiki, bu kishi ham o‘sha kuni (yoki ertasiga) pulini yo‘qotib qo‘yibdi. Bu haqiqatan bo‘lgan gap.
 
ZIYO_MUSICДата: Yakshanba, 12.06.2016, 17:26 | Сообщение # 2
Генерал-майор
Группа: SUPER ADMIN
Сообщений: 39
Репутация: 200
Статус:
Ikki qo‘shni (ibratli hikoya)



Bir shaharda ikki qo‘shni yonma-yon yashashar ekan. Birlari hamma narsada bir-birlarini ayblab, hech kelisholmay, janjallashishar, doim ularning uyidan baqir-chaqir ovozlarikelib turar ekan. Ikkinchi qo‘shnining uyidan esa, hech qattiq ovoz eshitilmas ekan. Bir kuni janjalkash qo‘shnilarning bekasi eriga:
– Boring-chi, ularning uyida nega janjal bo‘lmasligining sababini bilib keling — debdi.
U qo‘shnisining uyiga kelibdi-da, bir burchaka bekinib, poylay boshlabdi. Uy bekasi idishlarni artayotgan ekan. Birpasdan so‘ng telefon jiringlab qolibdi.
Ayol bir ko‘zani stol chetiga qo‘yib, telefonni olibdi. U qaytgunicha eri boshqa xonadan chiqib, bexosdan haligi ko‘zani yerga tushirib yuboribdi. «Endi janjal bo‘ladi», – o‘ylabdi qo‘shnisi bekingan joyida o‘tirib.
Ayol kelib, afsuslanibdi-da:
– Kechirasiz, xo‘jam. Men aybdorman, idishni stolga sal qaltisroq qo‘yibman.
– Yo‘g‘-e, nima deyapsan? Men aybdorman. Doim shoshib yurib, narsalarga e’tibor bermayman. Ha, mayli, sinsa-sinar, idish ekan-ku! — debdi.
Qo‘shnining yuragi jimirlab ketdi. Uyiga kelgan zahoti xotini savolga tutdi:
– Ha, buncha qop ketdingiz? Nima ekan?
– Nima, nima? Hech nima. Ularning ikkalasi ham doim aybdor ekan. Biz esa… hama vaqt haq bo‘lamiz.
 
Admin_1Дата: Yakshanba, 12.06.2016, 23:37 | Сообщение # 3
Рядовой
Группа: SUPER ADMIN
Сообщений: 11
Репутация: 1
Статус:
HIKMATLI JAVOB…

Har bir kasbning o‘ziga xos tomonlari bo‘lib, tashqaridan qaraganda bir-biriga o‘xshaydi, ammo o‘rtalarida keskin farq qiluvchi jihatlari bilan ajralib turadi. Quyida e’tiboringizga havola etiladigan hikoya ham fikrimizning isboti sifatida keltiriladi.
Mashhur yurak jarrohi avtomobilining matorini ko‘rsatish uchun mexanikning ustaxonasiga olib keldi. Mexanik usta avtomobil matorini ochib ta’mirlashni boshladi, yaroqsiz bo‘lib qolgan ayrim ehtiyot qismlarini olib, yangisini o‘rnatdi. Usta jarrohga qarab: “Mumkin bo‘lsa sizga bitta savol bersam, maylimi?”, deb qoldi.
Jarroh ozgina hayron bo‘lib: “Mayli so‘rang!”, dedi. Mexanik: “Siz yuraklar ustida amaliyot olib borasiz. Men ham avtomobillarning “yuragini” (ya’ni motorini) ochaman, xuddi siz kabi kasalini topib isloh qilaman. Kasbimizning mohiyati bir-biriga juda yaqin.
Lekin ayting-chi nima uchun oladigan ish haqimiz keskin farq qiladi? Operatsiyangiz uchun juda ko‘p pul olasiz, sizga nisbatan bizga juda kam pul to‘lanadi. Sababi nima?” dedi.
Jarroh mexanikning oldiga juda yaqin kelib, uning qulog‘iga eng past ovozda, deyarli shivirlagan holda: “Agar qo‘lingdan kelsa, avtomobilni o‘chirmasdan matorini ta’mirlab ko‘rchi!?”, dedi.
 
Daler_HonzodaДата: Payshanba, 14.07.2016, 11:14 | Сообщение # 4
830
Группа: SUPER ADMIN
Сообщений: 755
Репутация: 60
Статус:
Ko'ngil oynasi
Bir oila shahar markazidagi ko'p qavatli uylarning biriga ko'chib keldi.Yangi xonadon bekasi ertalab azonda uyg'onib, tashqariga boqdi. Qarasa, qo'shni ayol yuvilgan kirlarini dorga yoyishbilan band.- Yo tavba, anavi ayolning kirlari hecham “ochilmabdi”, chala yuvganmi, deyman, - dedi kinoya ohangida.Uning bu gaplarini eshitgan eri lom-mim demadi.- Qo'shnimning sovuni sifatli emasdir. Ehtimol, kir yuvishni bilmas. Unga kir yuvish qanaqa bo'lishini bir o'rgatib qo'ysam bo'larkan.Shu tariqa har safar haligi qo'shni ayol dorga kir yoyganda, shu suhbat takrorlanaverdi, er esa beparvo.Ajib va munavvar kunlardan birida ayol deraza osha tashqariga boqdi-yu, beixtiyorqichqirib yubordi:- Voy, mana qarang! Bugun u kirlarini top-toza qilib yuvibdi-ku. Birorta g'ubor ko'rinmaydi-ya! Va nihoyat qo'shnim kir yuvishni o'rganib olibdi, qoyil!- Yo'g'e, - deya sokinlik bilan javob beribdi eri, - men shunchaki barvaqtroq turib, deraza oynasini yuvib-tozalab qo'ydim, xolos...Hayotda ham xuddi shunday! Hammasi atrofimizdagi voqea-hodisalarni ko'rsatib turgan o'sha deraza oynasiga bog'liq. Avvalo, birovlarni tahqirlash yoki ulardan biror ayb topishdan oldin o'zimizning ko'ngil oynamizga boqaylik. Dilimizni har qanday chang va g'uborlardan tozalaylik. Qachonki, qalb oynamiz pokiza ekan, dunyo bizlar uchun shunchalik hikmatli ko'rinaveradi.Zero, illat izlaganga illatdur dunyo, hikmat izlaganga hikmatdir dunyo.
 
MEHRINISO_ALIДата: Shanba, 30.07.2016, 11:06 | Сообщение # 5
Рядовой
Группа: Aktiv
Сообщений: 6
Репутация: 1
Статус:
Сен бахтли бўл

Иймон ва солиҳ амал мунис ҳаётингнинг тилсимидир, бас унга талпингин.

Илм-маърифатни излагин ва таълим ол. Чунки билим ғамни кетказар.

Тавба қил, гуноҳлардан воз кеч, чунки гуноҳлар ҳаётингни барбод қилар.

қуръон тиловат қил, мулоҳаза юрит ҳамда Оллоҳни кўп ва доим зикр қилгин.

Одамларга эҳсон қилишдан толиқмагин қалбинг шод бўлар.

Жасоратли бўл, журъатсиз, қўрқоқ бўлмагин, чунки жасорат қалб оромидир.

Қалбингни ҳасад, адоват, ва ғилли-ғаш ҳамда барча иллатлардан пок тутгин.

Ортиқча назар, калом, эшитиш, уруниш, емак ва уйқуни тарк этгин.

Фойдали иш билан банд бўлгин, ғам-қайғуларни унутасан.

Бугунинг ҳақида фикр юрит, ўтмиш ва кечмишни унут.

Сурат, ризқу-рўз ва саломатчиликда ўзингдан қуйидаги кимсага назар солгин.

Ёмон эҳтимолларга тайёр тур, бошга тушганида у билан муомала қилишни ўрган.

Зеҳн-заковатингни зулмат ортидаги бузуқ фикр-хаёллар оғушига ташлаб қўймагин.

Ғазабланма, сабр қил, ҳалим бўл, афв қил.. умр қисқадир.

Неъмат тугаб, қачон интиқом вақти киришини кутмагин, Оллоҳга таваккул қилгин.

Муаммоларни ўз ҳолича қўйгин, уларни катталаштирма.

Ўзингни фитна ва жирканч ботқоғидан олиб қочгин.

Ҳаётни соддалаштир, хашаматни тарк этгин, чунки ортиқча айш-бандилик, ўта танпарварлик эса руҳ азобидир.

Сен ҳақингда айтилган ёмон сўзлар ҳақида ўйлама, уларнинг сенга зиёни йўқ, айтгувчининг ўзига зиён.

Онгли бўл, неъмат, фазилат ва нажот ҳақида фикр юритгин.

Бировдан раҳмат кутмагин, эҳсонни фақат Оллоҳ учун қилгин.

Ўзинг учун фойдали лойиҳаларни белгилаб ол, шу ҳақида ўйлаб, у билан машғул бўлгин, ғам-қайғуларни унутасан.

Бугунги ишни эртага қолдирмагин. Фойдали илм ўрган, фойдали ишни қилгин.

Оллоҳнинг берган неъматлари ҳақида тафаккур қилгин, у ҳақида сўзла, Оллоҳга шукр қил. Оллоҳ сенга берган соғлик, мол-давлат, аҳли-оила ва иш-амал билан қаноатлан.

Яқин билан ҳам узоқ билан ҳам яхши муомалада бўлгин, айб-нуқсонлардан кўз юмгин.

Бадантарбия билан шуғуллан, сайр қил, саломатчилигинг ҳақида ўйла, чунки соғлом танда соғлом ақл бўлади.

Оллоҳ таолога доимо афв-мағфират, яхши кайфият ва соғлик-омонлик сўраб дуо қилгин.
 
MEHRINISO_ALIДата: Shanba, 30.07.2016, 11:06 | Сообщение # 6
Рядовой
Группа: Aktiv
Сообщений: 6
Репутация: 1
Статус:
Кун бугундир

Тонг отгач, тунни кутмагин, яхши-ёмон ўтган кечаги кунни эмас, ҳали келиб улгурмаган эртани ҳам эмас, яшаётган бугунингни ўйлагин.

Қуёши чарақлаган бу кун сенинг кунингдир, бир кунлик умр... Гўё бу кунда туғилиб, шу кунда ўладигандек, бугунги ҳаётингни бугун учун бағишлагин. Шундагина сенинг ҳаётинг ўтмиш ғам-ташвишлари, келажакнинг хатарнок шарпаларига тўқнаш келмайди.

Барча ижод, меҳнатларингни бугунинг учун сарфлагин.

Бу кунда хушуъ билан намоз ўқигин, тадаббур билан қуръон тиловат қил, бугунинг ҳақида мушоҳада юрит, ҳусни хулқли бўлгин, қазойи қадарга рози бўл, ўзгаларга манфаат етказ.

Бу кунда соат, дақиқаларни йилларга, сонияларни ойларга айлантиргин, бу кунда яхшиликни экиб, гўзаллик ҳосилини йиғиб олгин, гуноҳлардан мағфират сўра, Парвардигорни зикр қил, риҳлат тадоригини кўр, бу кунни хурсандчилик билан ўтказгин, ризқу-рўзга, Оллоҳ таоло сенга берган неъматларга рози бўлгин. «Бас, сенга ато этган нарсамни олгин ва шукр қилгувчилардан бўлгин!». (Аъроф сураси 144-оят). Бу кунни қайғу ҳасратсиз, гина-ҳасадсиз ўтказгин.

Ушбу сўзларни қалбинг ойнасига ёзиб қўйгин: КУН БУГУНИНГДИР.

Агар сен шу нарсаларни жиддий, қатъий ирода билан тасдиқласанг, ўз нафсингни «мен фақат шу кун учун яшайман» иборасига буйинсундирасан ва ўша пайтда ўз борлигингни бино қилишликка, иқтидорингни ривожлантиришликка бу кунингни ҳар бир лаҳзасидан фойдаланасан ва дейсан: Бу кунда сўзимни ўнглайман, ёмон, фаҳш сўзларни сўзламайман, ғийбат қилмайман, бу кун ўз уйимни тартибга келтираман, бу кунда жисмим тозалигига, юриш-туришимга эътибор бераман.

Бу кунда қалбимга фазилат уруғини экаман, униб-ўсгач, ундан кибр-ҳаво, ҳасад, риё, ёмон гумондан иборат ёмон илдизларни тиконли шоҳлари билан бирга юлиб ташлайман.

Бу кунда бошқаларга манфаат етказиш умидида бўламан, ўзгаларга яхшилик қиламан, касал ҳолидан хабар оламан, муҳтож, мазлумларга ёрдам бераман, олимни сийлайман, кичикни иззат, каттани ҳурмат қиламан.

Ўтган нарса ўтиб кетди, қуёш каби ботди, ўтмиш, энди сен учун кўзёш тўкиб қайғураётганимни кўрмайсан, чунки сен бизни тарк этдинг, бизлардан узоқлашдинг ва абадул обидийн қайтиб келмайсан.

Эй келажак, сен ғайб оламидасан, бас, мен ҳавойи орзулар билан ҳамкорлик қилмасман ва ҳаётдаги бугунимни хаёлдаги эртага алишмайман, ўз нафсимни тасаввурга сотмайман, келажак учун шошилмайман, чунки эртанги кун ҳали йўқдир, ҳали яратилмаган, ҳали тилга олгулик бир нарса эмасдир.

Кун бугунингдир, бу сўз ҳаётни гўзал суратда кўришни истаган инсон учун саодат луғатида энг гўзал сўздир.
 
MEHRINISO_ALIДата: Shanba, 30.07.2016, 11:07 | Сообщение # 7
Рядовой
Группа: Aktiv
Сообщений: 6
Репутация: 1
Статус:
Ё ОЛЛОҲ!

 Осмонлар ва Ердаги (барча) жон­зот(Унга муҳтождир ва бор тилак-мақсадларини Ёлғиз) Ундан сўрар. У Зот ҳар куни иш-амалдадир. (Ар-Роҳман. 29-оят)

Шамол эсиб, мавжлар қутуриб, денгиз изтиробга тушганида, кема аҳли нидо қилишар: Ё Оллоҳ.

Саҳродаги ёлғиз одам адашса, отлиқ йўлдан оғса, карвон аро йўлда қолса, нидо қилишар: Ё Оллоҳ.

Бошга мусибат тушиб, фалокат вақти кирса, бало-офат бошланса, бахтсизлик эгалари нидо қилурлар: Ё Оллоҳ.

қоқилган эшик ёпилса, одамлар юзидан парда тортилса, қичқиришар: Ё Оллоҳ.

Йўллар тор бўлса, истаклар ниҳоя топиб, арқон узилса, нидо қилишар: Ё Оллоҳ.

Агар сенга кенг ер торлик қилиб, дилинг юкни кўтара олмай сиқилса, хайқиргин: Ё Оллоҳ.

Чунки Хуш Сўз, холис дуо, ҳаққоний хитоб, беайб кўз ёш ва ҳаяжонла қийналмоқ Унга юксалур.

Саҳар пайти кафтлар, муҳтожликда қўллар, офат вақти кўзлар, бахтсизликда илинж Унга юзланур.

Унинг исми билан тиллар айланиб, ёрдам сўраб, ҳамд ўқиб, нидо қилур. Унинг зикри билан қалблар хотиржам, руҳлар оромда, туйғулар сокин, асаблар тинч, ақл жойида, эътиқод мустаҳкамдир. «Оллоҳ бандаларига Меҳрибондир». (Шўро. 19-оят)

ОЛЛОҲ. Энг чиройли исм, гўзал харфлар, ҳаққоний таъбир, бебаҳо калимадир. «Унинг учун бирон "тенг"ни билурмисиз?! (Йўқ, билмассиз!)»

Бойлик ва Боқийлик, Қувват ва Нусрат, Куч-қудрат ва Ҳикмат Унингдир. «Бу Кунда подшоҳлик кимникидир? Якка-ю Ягона ва ғолиб Зот — Оллоҳникидир!». (ғофир. 16-оят)

Лутфу Иноят, Ёрдам ва Мадад, Дўстлик ва Мурувват Ундандир.«Сизларга берилган барча ноз-неъматлар Ёлғиз Оллоҳдандир». (Наҳл. 53-оят)

Оллоҳ Улуғлик ва Фазилат, Куч-қувват ва Қадр-қиммат Эгасидир.

Оллоҳим, Ўзинг бизларга азоб ўрнига тасалли, қайғу мукофотига шодлик, хавф пайтида тинчлик бергин!

Оллоҳим, Ўзинг қалб аламини эътиқод қори билан ювиб, руҳлар чўғини иймон суви билан ўчиргин!

Парвардигор, Ўзинг бедор кўзларга ором уйқусини, безовта нафсларга осудаликни бергин!

Парвардигор, бу ҳайрон кўзларни Ўз Нурингга, Йўлдан оғганни Тўғри Йўлингга ва У Йўлингдан бўйин товлаганларни Ўз Ҳидоятингга йўллагин!

Оллоҳим, Ўзинг барча ташвишларни субҳи содиқ нури билан йироқлаштир, ғирром виждонни ҳақиқат қўшини билан узоқлаштир, ҳамда шайтон найрангларин Ўз аскарларинг кўмаги билан қайтаргин!

Оллоҳим, Ўзинг бизлардан ғам-андуҳларни кетказгин, нафсларимиздан безовталикни олиб ташлагин!

Сендангина барча хавфлардан паноҳ топамиз. Ишонч ва таваккул, сўров ва ёрдам Сенгадир фақат. Бизнинг Хожамиз Сенсан. У Зот нақадар яхши Хожа ва нақадар яхши мададкордир.
 
Daler_HonzodaДата: Payshanba, 27.10.2016, 19:52 | Сообщение # 8
830
Группа: SUPER ADMIN
Сообщений: 755
Репутация: 60
Статус:
Ofarin
 
USMONCHIKKOДата: Dushanba, 31.10.2016, 08:18 | Сообщение # 9
Рядовой
Группа: Foydalanuvchi
Сообщений: 45
Репутация: 0
Статус:
Tasanno
 
Daler_HonzodaДата: Dushanba, 31.10.2016, 14:11 | Сообщение # 10
830
Группа: SUPER ADMIN
Сообщений: 755
Репутация: 60
Статус:
Yozinglar!
 
Lola-ahmedovaДата: Chorshanba, 09.11.2016, 15:31 | Сообщение # 11
Рядовой
Группа: Foydalanuvchi
Сообщений: 6
Репутация: 0
Статус:
»» Она ««
Оллох бир кун олар, ширин жонимни,
Чорлаб поёнига етганда умрим.
Сурса дунёда енг бахтли онимни,
Сени багрингдаги дамларим дердим.
Оллох мендан сурса бир савол яна.
Айтчи недир шодлик, не дил тантана.
Сени бу дунёда борлигинг дердим,
Мен сени борлигинг дер эдим она.
Ишониб хаётнинг ёлгонларига,
Кувондим гохида шодонлигимдан.
Кушилиб дунёнинг нодонларига,
Кадрингни кеч билдим нодонлигимдан.
Дунё минг жилвага солсин узини,
Энди чалгимайман рангин тусига.
Алишмайман хатто ноннинг исини,
Сени сочингдаги райхон исига.
Дунё шундай галат яралган узи,
Йукотиб кадрини биларкан одам,
Дема бу енг яхши шоирнинг сузи,
Бу кенжа углингни хасрати онам.
Бир куни Оллохим олиб жонимни,
Сураса енг бахтли уткан онимни.
Хатто бир сония уйга толмай жим,
Сени багрингдаги онларим дердим.
Навзод Хамро
 
Daler_HonzodaДата: Payshanba, 10.11.2016, 23:31 | Сообщение # 12
830
Группа: SUPER ADMIN
Сообщений: 755
Репутация: 60
Статус:
Haaaaa
 
USMONCHIKKOДата: Juma, 18.11.2016, 22:58 | Сообщение # 13
Рядовой
Группа: Foydalanuvchi
Сообщений: 45
Репутация: 0
Статус:
Lolaxon z6r4iqibdi ofarin

Добавлено (18.11.2016, 22:58)
---------------------------------------------
Lolaxon z6r4iqibdi ofarin ok

 
Daler_HonzodaДата: Shanba, 19.11.2016, 13:09 | Сообщение # 14
830
Группа: SUPER ADMIN
Сообщений: 755
Репутация: 60
Статус:
Ha albatta
 
Qiziqarli chat, Suxbatxona, mexmonxona Ziyo-Music.Com » ERKIN MAVZULAR VA FIKRLAR » Ibratli hikoyalar / Sherlar olami / Qiziqarli voqealar » Ibratli va hayotiy qiziqarli hikoyalar bo'limi
Страница 1 из 11
Поиск: